Um Portfarma

Framsækið Lyfjafyrirtæki

Portfarma er framsækið lyfjafyrirtæki sem sérhæfir sig í skráningu og markaðssetningu samheitalyfja. Portfarma er leiðandi á sviði innflutnings, ráðgjafar, markaðssetningar og dreifingar á hágæðalyfjum á Íslandi sem og víðar í evrópu. Það er markmið fyrirtækisins að stuðla að auknum lífsgæðum á Íslandi og bæta hag þess fólks sem þarfnast lyfja til að bæta líðan sína og heilsu.

Trygg Gæði í Framleiðslu

Til að tryggja gæði í framleiðslu og við geymslu vörunnar vinnur Portfarma náið með ráðgjafarfyrirtæki við mat á lyfjum og framleiðendum. Þetta ráðgjafarfyrirtæki teflir fram hámenntuðum lyfjafræðingum og sérfræðingum með yfirgripsmikla reynslu í framleiðslu lyfja og við skráningu þeirra í Evrópu.
Metnaður okkar felst í því að fullnægja þörfum:
- Viðskiptavina okkar (sjúklinga, heilbrigðisstarfsmanna, lyfsala).
- Starfsmanna okkar.
- Samstarfsaðila okkar (framleiðenda og dreifingaraðila).
- Eigenda
- Samfélagsins

Fylgir alþjóðlegum stöðlum

Portfarma leggur mikla áherslu á símenntun starfsfólks enda er lyfjageirinn þess eðlis að þekkingin er mikilvægasta aflið.
Það er stefna Portfarma að fylgja alþjóðlegum stöðlum (GMP, GLP ofl.) sem eru samhæfðir öllum vinnureglum í fyrirtækinu.
Endanlega niðurstaða á gæðum og öryggi fæst að lokum hjá lyfjastofnun innan EU sem fjallar um skráningu lyfs og veitir markaðsleyfi fyrir vöruna.

Ýtrustu Kröfur

Portfarma er markaðsleyfishafi sérlyfja og hafa sérfræðingar fyrirtækisins unnið af kostgæfni við val á samstarfsaðilum við framleiðslu lyfjanna.
Portfarma hefur frá upphafi fylgt ýtrustu kröfum hvað varðar alþjóðlega staðla og fylgt reglum sem settar eru af opinberum aðilum á Íslandi og af lyfjayfirvöldum í Evrópusambandinu.

ecShop

Services

Leit

Categories

Basket

Veftré

Um Portfarma